இரு இருமடிகளின் கூட்டுத் தொகையும் இருவேறு இருமடிகளின் கூட்டுத் தொகையும் சமமாயிருக்கும் சமன் தொடர்புகள்
இரு இருமடிகளின் கூட்டுத் தொகையை இருவேறு இருமடிகளின் கூட்டுத் தொகை க்குச் சமமாயிருக்கும் சமன் தொடர்புகளை 2R2^2 என்று குறிப்பிடுவார்கள் . இத் தகைய பண்பினைப் பெற்றுள்ள மிகச் சிறிய எண் 65 ஆகும் . 1^2 + 8^2 = 4^2 + 7^2 = 65 ஒரு பக்கம் ஒரே இருமடியை இருமுறை பயன்படுத்தலாம் என்றால் 50 மிகச் சிறிய எண்ணாகும் 1^2 + 7^2 = 5^2 + 5^2 = 50.இது போன்ற எண் தொடர்புகளை அல்ஜீப்ராவின் துணை கொண்டுநிறுவ முடியும். மதிப்புத் தெரியாத ஓரிரு எண்களை உட்புகுத்தி நிபந்தனைத் தொடர்புகளை வருவித்து சமன் தொடர்புக்கு இணக்கமாக அவற்றின் மதிப்புக்களை அறியலாம் .
வழிமுறை - 1
பிதகோரஸ் மூவெண்களைக் கொண்டு இது போன்ற எண் தொடர்புகளை ஏற்படுத்த முடியும். ( a,b,c ) என்பது ஒரு பிதகோரஸ் மூவெண்ணாக இருக்கட்டும். ஒரு மூவெண் அணியிலுள்ள இரு சிறிய எண்களின் கூட்டுத்தொகையின் இருமடியை எடுத்துக்கொள்வோம்
(a+b)^2 = a^2 + b^2 + 2ab = c^2 + 2ab
2ab யின் மதிப்பு இரு இருமடிகளின் வேறுபாடாக இருக்குமாறு அமைத்துக்கொள்ளலாம் .
2ab = y^2 - x^2 = (y-x) (y+x)
இது போன்ற தொடர்புகளைத் தீர்வு செய்வதற்கு நிச்சியமாக வழிமுறையொன்று உள்ளது . y- x = 2 or 2a or 2b or 2a/k எனில் y+x = ab or b or a or kb .இவற்றைத் தீர்வு செய்து x,y- ன் மதிப்புக்களை அறியலாம். 2 y = ab+2 or b + 2a or a + 2b or (k2b + 2a)/k; 2x = ab-2 or b-2a or a - 2b or (k2b - 2a)/k.
(a+b)^2 + x^2 = c^2 + y^2 = (a+b)^2 + [(ab -2)/2]^2 = c^2 + [(ab + 2)/2]^2
= (a+b)^2 + [(b-2a)/2]^2 = c^2 + [(b + 2a)/2]^2
= (a+b)^2 + [(a-2b)/2]^2 = c^2 + [(a + 2b)/2]^2
= (a+b)^2 + [(ab-2k^2)/2k]^2 = c^2 + [(ab + 2 k^2)/2k]^2
(8,15,17) என்ற பிதகோரஸ் மூவெண்ணை உட்படுத்தி இதை விளக்கிக் கொள்வோம்.
23^2 + 59^2 = 17^2 + 61^2 = 4010
23^2 + (0.5)^2 = 17^2 + (15.5)^2 = 529.25
23 ^2 + 11^2 = 17^2 + 19^2 = 650
முழு எண்களுடனான தீர்வுகளுக்கு ஏற்ப k ன் மதிப்பைத் தேர்ந்தெடுத்துக் கொள்ளலாம் .
k =2 ; 23^2 + 28^2 = 17^2 + 32^2 = 1313
k=3 ; 23^2 + 17^2 = 17^2 + 23^2 = 818
k= 5; 23^2 + 7^2 = 17^2 +17^2 = 578
k=6; 23^2 + 4^2 = 17^2 + 16^2 = 545
வழிமுறை -2
நான்கு சார்பிலா உறுப்புக்களைக்கொண்டு 2R2^2 க்கான எண்தொடர்புகளை ஏற்படுத்தலாம். (a,b,x,y) நான்கும் ஒன்றுக்கொன்று சார்பில்லா எண்களாக இருக்கட்டும் .இவற்றைக்கொண்டு (ax+by)^2 + (bx-ay)^2 = (ax- by)^2 + (bx+ay)^2 = (a^2 + b^2)(x^2 + y^2) என்ற தொடர்பை நிறுவலாம் .
a=2 ,b=3 ,x=4 ,y= 5 என்று கொண்டால் 23^2 + 2^2 = 7^2 + 22^2 = 533